berlin

UMIRU I BRODI

Posted on : 15-05-2019 | By : admin | In : Za srce i dušu

0

Vanja Škrobica
FB_IMG_1518205814312napušteni brod na škrapi
star, ruzinav
brez vesal´ i pajoli
idro i cime slomilo mu more

sića se krštenja prid prvu plovidbu,

panti nevere i tuje porte
ofičale i mornare
još čuje pismu iz podpalublja, štrapanje mora
dok se gingolaju bande,
prova i krma

proganja li ga prošlost?

žali stari brod
za jutriman i pučinan,
galebiman i valiman

kiša pere za’njega naslage soli
boli ga škina
napala je crvotočina
ka i čovika kad u greb položidu

ne diše više stari brod
u osamjenoj vali na škoju
dočeka je kraj uz druge mrtve brode
sol in izgrizla lamarin
s naleton jače plime njijove će drvene kosti raznit more

tamo brodi i pripadadu

2017.

škrapa – obala
ruzinav – oksidiran
ofičal – oficir, časnik
brez – bez
idro – jedro
cime – konopi
tuje – tuđe
porti – luk
štrapanje – prskanj
gingolavati – ljuljajti
škina – leđa
greb – grob
lamarin – metalni dijelovi broda

Write a comment