berlin

MIR IŠČEM

Posted on : 11-06-2018 | By : admin | In : 01 VIJESTI I NOVOSTI

0

Ivica Drljača 
12523958_1760595270837662_7647946467642608313_n (1)Sam negda
još vu cirkvu zajdem
da breme me pritisne,
ili pak za retke svetke
to napravim.
I već zdavna ne znam
verujem li vu Njeg
i a sem igda veroval.

Se mi se pomotalo.
Huje mi se vu duši nakotilo,
sam škripljem zubmi
i stiskam šake.

I ve me je sveta voda
kak žiravka spekla.
Gledim pod se,
ni senke mi ni…
kak da je sam nečastivi
vu me zišel.

Okoli mene klupe,
kipeci, oltar, klecala…
Isusek z vitraja
bele roke krili,
doziva me…
al negdi gori Un gledi…

Svetlo se
čez pisane glajže probija
i z iskricami mi dušu blaži.
Vusnice mi molitvu šepču,
misli mi ju ne prate.

Već zdavna moje ljubavi ni,
a srce ju pozabiti nemre.
Razgalili me pisani glajži,
vid mi mutiju…
i više je ni se tak sive.

Kak se i male genem
novo mi razigrano svetlo
v oko zajde.

I tak…
s noge na nogu
se zibam…

Mir iščem…

Write a comment